facebook
Sunday , March 26 2017
Breaking News
Home / पुणे / पुण्यात हंगामातील नीचांकी तापमान

पुण्यात हंगामातील नीचांकी तापमान

शहरातील थंडीचा प्रवास गुलाबी थंडी आ‌णि हुडहुडी भरविणाऱ्या थंडीपासून आता गोठविणाऱ्या थंडीकडे होऊ लागला आहे. शहरात गुरुवारी यंदाच्या हंगामातील नीचांकी; तसेच राज्यातीलही नीचांकी ८ अंश सेल्सिअस तापमानाची नोंद झाली. पुढील दोन दिवसांत किमान तापमानात आणखी किचिंत घट होऊ शकते, असा अंदाज हवामान विभागाने वर्तविला आहे.
गुरुवारी शहरात २९.५ अंश सेल्सिअस इतके कमाल, तर ८ अंश सेल्सिअस इतके किमान तापमान नोंदले गेले. गेल्या तीन चार दिवसांत शहरातील थंडी कमालीची वाढली आहे. दिवसभर उन्हामुळे किंचित उकाडा जाणवत असला, तरी सायंकाळनंतरची थंडी आणि बोचरे वारे पुणेकरांना हुडहुडी भरवत आहे. पहाटेच्या वेळी तर ही थंडी आणखी वाढल्याचे जाणवत आहे. थंडीपासून बचाव करण्यासाठी पुणेकरांनी स्वेटर, शाली, कानटोप्या, जर्किन, मफलर अशा आयुधांचा वापर सुरू ठेवला आहे. त्यातच काही ठिकाणी शेकोट्याही पेटविण्यात येत आहेत. या शिवाय थंडीचा कडाका कमी करण्यासाठी रात्री मसाला दूध, चहा, गरम कॉफी किंवा सूप पिण्यासाठीही गर्दी होत आहे.

पुण्याबरोबरच राज्यातही कडाक्याच्या थंडीचे बस्तान कायम आहे. गुरुवारी नाशिक येथेही पुण्याइतकेच म्हणजे आठ अंश सेल्सिअस इतके किमान तापमान नोंदले गेले. जळगाव येथे ९.४, सातारा येथे ९.५, उस्मानाबाद येथे ८.९, गोंदिया येथे ८.६, अमरावती येथे ९.८ अंश सेल्सिअस इतके किमान तापमान नोंदले गेले.
संपूर्ण राज्यात हवामान कोरडे आहे. परिणामी हवेतील बाष्पाचे प्रमाण कमी झाल्याने थंडीचा कडाका वाढला आहे. पुढील तीन दिवस अशीच परिस्थिती कायम राहण्याची शक्यता असल्याने कडाक्याच्या थंडीचा मुक्काम वाढणार आहे. पुढील दोन दिवसांत तापमानात आणखी घट होण्याची शक्यता असून पुण्याचा पारा ७ अंशांपर्यंत उतरण्याची शक्यताही वर्तविण्यात आली आहे.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *