facebook
Tuesday , January 24 2017
Breaking News
Home / Featured / वेळ आणि पैशांची झाली बचत

वेळ आणि पैशांची झाली बचत

आवाज न्यूज नेटवर्क –

नागपूर – ‘तासनतास रांगेत उभे राहणे, इतर सर्व कामे सोडून जिल्हाधिकारी कार्यालयातील सेतू कार्यालयाच्या माराव्या लागणाऱ्या चकरा यामुळे आम्ही त्रस्त झालो होतो. वारंवार प्रमाणपत्र घेण्यासाठी माराव्या लागणाऱ्या चकरांमुळे पैशांचीही उधळपट्टी होत होती. आता घरपोच प्रमाणपत्र मिळू लागल्याने वेळेची आणि पैशांची बचत होत आहे’, असे समाधान नागपूरकरांनी व्यक्त केले.

१५ रुपये शुल्क आकारून घरपोच प्रमाणपत्र उपलब्ध करून देण्याच्या सुविधेचा शुभारंभ जिल्हाधिकारी सचिन कुर्वे यांनी केला. २ जानेवारीपासून सुरू झालेल्या या सुविधेचा लाभ घेण्यासाठी चार दिवसांत ११० पेक्षा अधिक नागरिकांनी अर्ज केले. यापैकी १८ नागरिकांना ५ जानेवारी रोजी प्रमाणपत्र घरपोच उपलब्ध झाल्याचे जिल्हा प्रशासनाकडून कळविण्यात आले. राज्यातील हा पहिलाच प्रयोग असून हा प्रयोग यशस्वी झाल्यास नेहमीसाठी हा उपक्रम राबविण्यात येणार असल्याचे जिल्हाधिकारी सचिन कुर्वे यांनी सांगितले.

ही प्रमाणपत्रे मिळवा घरपोच

महाराष्ट्र लोकसेवा हक्क अध्यादेश कायद्यानुसार जिल्हाधिकारी कार्यालयातील सेतू कार्यालयातून प्राप्त होणारे उत्पन्न, राष्ट्रीयत्व प्रमाणपत्र, भूमिहीन शेतमजूर असल्याचा दाखला, अल्पभूधारक दाखला, शेतकरी असल्याचा दाखला १५ दिवसांत, जातीचे प्रमाणपत्र, नॉनक्रिमिलेअर मिळण्यासाठी २१ दिवसांत, रहिवासी प्रमाणपत्र, ज्येष्ठ नागरिक प्रमाणपत्र, सांस्कृतिक कार्यक्रम परवाना, अधिकार अभिलेखाची प्रमाणित प्रत मिळण्यासाठी सात दिवसांत, प्रकल्पग्रस्तांचे प्रमाणपत्र ३० दिवसांत मिळू लागले आहे. पुढचे पाऊल म्हणून प्रमाणपत्र घरपोच देण्याला सुरुवात झाली असून अधिकाधिक नागरिकांनी याचा लाभ घेण्याचे आवाहन कुर्वे यांनी केले.

दलालांपासून सुटकाजिल्हाधिकारी कार्यालयात प्रवेश करताच दलालांचीच पहिल्यांदा भेट होते. काही काम करायचे आहे का, असे विचारून लुटले जाते. आता केवळ १५ रुपये भरून अधिवास प्रमाणपत्रासाठी अर्ज केला. चार दिवसांत हे प्रमाणपत्र मला घरी प्राप्त झाले. इतवारीवरून प्रमाणपत्र घेण्यासाठी आलो असतो तर पेट्रोलवरच यापेक्षा अधिक पैसे खर्च झाले असते, त्यामुळे ही सुविधा खूप लाभदायक असल्याचे सिद्धांत हरोडे या युवकाने सांगितले.

Check Also

मतदारांना काय पाहिजे की आमच्या भागाचा विकास कोणी केला – मंगला कदम

Click on Below Video Related

Leave a Reply

Your email address will not be published. Required fields are marked *