facebook
Monday , February 20 2017
Breaking News
Home / Featured / सरकार हिसाब दो, जवाब दो

सरकार हिसाब दो, जवाब दो

आवाज न्यूज नेटवर्क –

पाचशे, हजाराच्या नोटाबंदीनंतर किती काळा पैसा जमा झाला, याचा केंद्र सरकार व रिझर्व्ह बॅंकेने हिशेब द्यावा, यासाठी भारतीय कम्युनिस्ट पक्षाच्या वतीने मोर्चा काढून शहरातील स्टेट बॅंकेसमोर गुरुवारी (५ जानेवारी) सुमारे दोन तास हिसाब दो, जबाब दो आंदोलन करण्यात आले.

भारतीय कम्युनिस्ट पक्षाचे राज्य सहसचिव अॅड. सुभाष लांडे पाटील, ज्येष्ठ कार्यकर्ते शशीकांत कुलकर्णी यांच्या नेतृत्वाखाली झालेल्या आंदोलनात भगवान गायकवाड, राम पोटफोडे, संजय नांगरे, कारभारी वीर, अशोक नजन, प्रा. हनुमान पातकळ, अण्णासाहेब भराट, अविनाश गायकवाड, संजय डमाळ तसेच कार्यकर्त्यांसह, महिला व सामान्य नागरिक मोठ्या संख्येने सहभागी झाले होते.

मोर्चा स्टेट बॅंकेसमोर पोहोचल्यावर तेथे निदर्शने करून काळ्या पैसेवाले, धनदांडगे घरात अन् गरिब बॅंकेच्या दारात, अशा घोषणा देण्यात आल्या. आंदोलकांसमोर बोलताना अॅड. लांडे पाटील म्हणाले, नोटाबंदीनंतर शेतकऱ्यांच्या मालाचे भाव पडले. कापसाला पाच हजारांहून अधिक भाव मिळत असताना रोखीने केवळ ४ हजार रुपयेच शेतकऱ्यांना मिळाले. अर्थव्यवस्थेच्या मंदीत अनेकांवर बेरोजगारीची कुऱ्हाड कोसळली. सामान्य माणसाला बॅंकेत रांगेत दिवसभर उभे राहून केवळ २ हजार रूपये मिळत असताना काहींकडे लाखो-कोट्यवधींची रक्कम कशी पोहोचते? अजूनही अनेक ठिकाणी एटीएम बंदच आहेत. आंदोलन स्थळी असलेलेले स्टेट बॅंकेचे एटीमही कॅशअभावी बंद आहे. मोदी सरकारच्या नोटाबंदीच्या निर्णयाने सर्वाधिक हालअपेष्टा गरिबांना सहन कराव्या लागल्या. ५० दिवसांनंतर अजूनही बॅंक किंवा एटीएम समोरच्या रांगा कमी झाल्याचे दिसत नाही. रांगेत उभे राहिल्याने देशभरात १०० हून अधिक लोकांचा मृत्यू झाला, याला जबाबदार कोण? असा सवाल लांडे पाटील यांनी उपस्थित केला.

नोटाबंदीनंतर जमा झालेल्या काळ्या पैशांचा हिशेब द्या. जमा झालेला पैशांतून शेतकऱ्यांची कर्जमुक्ती, ज्येष्ठ नागरिकांना तसेच शेतकरी शेतमुजरांना पेन्शन मिळावी या मागण्या आंदोलकांनी निवेदनाद्वारे केल्या. स्टेट बॅंकेच्या अधिकारी प्रीती गोसावी व कृष्णा कुमावत यांनी आंदोलकांचे निवेदन स्वीकारले.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *