facebook
Sunday , March 26 2017
Breaking News
Home / Featured / अमेरिकेत मेडिकलचे शिक्षण दर चार वर्षांनी सुधारते

अमेरिकेत मेडिकलचे शिक्षण दर चार वर्षांनी सुधारते

आवाज न्यूज नेटवर्क –

नागपूर – अमेरिकेत वैद्यकीय अभ्यासक्रमाचे शिक्षण घेणाऱ्या विद्यार्थ्यांना दर्जेदार वैद्यकीय शिक्षण मिळावे यासाठी अभ्यासक्रमात दर चार वर्षांनी सुधारणा केली जाते. हा अभ्यासक्रम पूर्ण केलेला विद्यार्थी जेणेकरून थेट सामान्यांच्या आरोग्याची काळजी घेण्यासाठी सज्ज असावा हा उद्देश ठरविला जातो. अद्ययावत उपचार त्राचा यासाठी आधार घेतला जातो, असे हितगूज प्रसिद्ध बालरोगतज्ज्ञ डॉ. बोनिका स्टेंटन यांनी शनिवारी येथे साधले.

बालरोगतज्ज्ञांच्या ‘बुक्स टू बीसाइड’ या आंतरराष्ट्रीय कार्यशाळेत सहभागी होण्यासाठी त्या नागपुरात आल्या होत्या. नेल्सन नावाने प्रकाशित होणारे वैद्यकीय क्षेत्रातील जर्नल जगभरातील बालरोगतज्ज्ञांसाठी धर्मग्रंथापेक्षा कमी नाही, असे मानले जाते. गेल्या अनेक वर्षांपासून या जर्नलला वेगळ्या स्थानावर नेऊन

ठेवणाऱ्या डॉ. स्टेंटन संपादिका म्हणून जबाबदारी सांभाळत आहेत. त्यामुळे अमेरिकेती वैद्यकीय शिक्षण आणि भारतातील

वैद्यकीय शिक्षण या अनुषंगाने वेध घेताना डॉ. स्टेंटन सांगत होत्या की, बदलत्या तंत्रज्ञानामुळे जगभरातील वैद्यकीय क्षेत्रात नव नवीन संशोधन होताहेत.

अभ्यासक्रमाचे शिक्षण घेणाऱ्या विद्यार्थ्यांपर्यंत हे ज्ञान पोहोचावे यासाठी तेथील अभ्यासक्रमात दर चार वर्षांनी सुधारणा केली जाते. एक्सरे, सिटीस्कॅन, एमआरआय यांसारख्या वैद्यकीय चाचण्यांपासून ते अद्ययावत पद्धतीने संगणकीय शल्यक्रिया करण्यापर्यंत विद्यार्थी दशेतच प्रशिक्षित डॉक्टरांना घडविले जाते. अमेरिकेत

प्रतिजैविकांच्या अतिरिक्त वापरावर त्यामुळे नियंत्रण आले आहे. त्या तुलनेत भारतातील वैद्यकीय अभ्यासक्रमाचे शिक्षण घेणाऱ्या विद्यार्थ्यांपर्यंत हे ज्ञान पोहोचत नाही. परिणामी भारातील प्रतिजैविकांचा औषधोपचारात वापर वाढत आहे. ही मुलांच्या आरोग्यासाठी धोकादायक बाब असल्याचेही त्यांनी नमूद केले.

जन्माच्या वेळी तापमान नियंत्रण आवश्यक
नागपुरातल्या कामठीत वाढलेल्या डॉ. झुबेर अघाई या गेल्या १० वर्षांपासून अमेरिकेत स्थायीक झाल्या आहेत. त्या तेथील वैद्यकीय सेवेत कार्यरत आहेत. त्यामुळे प्रसूतीदरम्यान गरोदर माता आणि नवजात शिशूंच्या आरोग्यावर प्रकाश टाकताना डॉ. अघाई म्हणाल्या की, भारतात प्रसूतीदरम्यान बाळाचे डोके गर्भाच्या पिशवीत अडकण्याच्या घटना सातत्याने समोर येतात. त्यामुळे नाजूक मेंदूला इजा होण्याची जोखीम बळावते. प्रसूतीदरम्यान लेबर रूमचे तापमान ३३ अंश सेल्सिअस पर्यंत नियंत्रित ठेवले तर जन्माला येणाऱ्या बाळावर बाह्य वातावरणाचा परिणाम टाळता येऊ शकतो.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *