facebook
Sunday , March 26 2017
Breaking News
Home / Featured / कोल्हापूर पोलिसांना हेल्मेट सक्ती

कोल्हापूर पोलिसांना हेल्मेट सक्ती

आवाज न्यूज नेटवर्क –

कोल्हापूर – ‘पुण्याप्रमाणे कोल्हापुरात पोलिसांना हेल्मेट सक्ती करण्याचा विचार सुरू आहे’, अशी माहिती नूतन पोलिस अधीक्षक महादेव तांबडे यांनी शनिवारी पत्रकारांशी बोलताना दिली. तांबडे यांनी बदली झालेले पोलिस अधीक्षक प्रदीप देशपांडे यांच्याकडून शनिवारी पदभार स्वीकारला. ‘कोल्हापूर जिल्ह्यात गुन्ह्याचा आलेख कमी असला तरी ज्या गुन्हांचा तपास लागलेला नाही त्यावर भर दिला जाईल,’ असे तांबडे यांनी सांगितले.

पोलिस अधीक्षक महादेव तांबडे म्हणले, ‘कायद्याने प्रत्येक वाहनधारकाने हेल्मेट वापरणे बंधनकारक आहे. अपघातांची वाढती संख्या लक्षात घेऊन प्रत्येक वाहनधारकाने हेल्मेट घातलेच पाहिजे. राष्ट्रीय सुरक्षा सप्ताहातही वाहतूक सुरक्षेत हेल्मेट वापरण्याबाबत वाहनधारकांचे प्रबोधन केले जाणार आहे.’ यावेळी पुण्याच्या पोलिस आयुक्त रश्मी शुक्ला यांनी हेल्मेट न घालणाऱ्या पोलिसांची नोंद सेवापुस्तकात (​सर्व्हिस रेकॉर्ड) केली जाईल असे आदेश दिले आहे. या पार्श्वभूमीवर कोल्हापुरातही पोलिसांना हेल्मेटसक्ती करणार का? असा प्रश्न केला असता, ‘हेल्मेट प्रत्येक वाहनधारकाला आवश्यक आहे. त्यामुळे पोलिसांनाही वेगळा न्याय देता येणार नाही. कोल्हापूर पोलिस दलातील कर्मचाऱ्यांनाही हेल्मेट वापरलेच पाहिजे. हेल्मेटची सक्ती करण्याचा प्रयत्न असेल,’ असे त्यांनी सांगितले.

कोल्हापूर जिल्ह्यातील वाढत्या गुन्ह्यांविषयी पोलिस अधीक्षक तांबडे म्हणाले, ‘जिल्ह्यात पाच खुनांच्या घटनेचा अद्याप छडा लागलेला नाही. त्यावर लक्ष केंद्रीत केले जाणार आहे. पोलिसांना आठ तास ड्यूटी असावी अशी मागणी आहे. त्याबाबत राज्य सरकार जे आदेश देईल ते पाहून आणि अन्य शहरांमध्ये त्याचे नियोजन कोणत्या पद्धतीने केले जात आहे, याची माहिती घेऊन कार्यवाही करू. पोलिस उपायुक्त प्रदीप देशपांडे यांनी कामाची जी चौकट आखून दिली आहे, त्याच मार्गाने पुढे पोलिस दलाचे काम राहील. यापूर्वी सुरू झालेल्या योजना तशाच सुरू राहतील. यावेळी पुणे पोलिस उपायुक्त प्रदीप देशपांडे, अतिरिक्त पोलिस अधीक्षक सुहेल शर्मा, दिनेश बारी, गृह पोलिस उपाधीक्षक सतीश माने यांच्यासह पोलिस अधिकारी उपस्थित होते.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *