facebook
Saturday , February 25 2017
Breaking News
Home / Featured / थकबाकीवर ‘बँड’चा उतारा

थकबाकीवर ‘बँड’चा उतारा

आवाज न्यूज नेटवर्क – .

औरंगाबाद – मालमत्ता कर न भरणाऱ्या बड्या थकबाकीदारांच्या घरासमोर बँड वाजवण्याचा निर्णय महापालिकेने घेतला आहे. त्यादृष्टीने एक लाख किंवा त्यापेक्षा जास्त थकबाकी असलेल्यांची यादी तयार करणे सुरू आहे.
महापालिका आयुक्त ओम प्रकाश बकोरिया यांनी मालमत्ता कर वसुलीवर लक्ष केंद्रीत केले आहे. या कराच्या वसुलीसाठी पालिका प्रशासनासमोर यंदा २३० कोटी रुपयांचे टार्गेट आहे. त्यात चालू वर्षाच्या मालमत्ता कराची मागणी ८० कोटी रुपयांची असून थकबाकी १५० कोटींची आहे. १ एप्रिलपासून ७ जानेवारी पर्यंत ६३ कोटी रुपयांचा मालमत्ता कर वसूल झाला आहे. गेल्यावर्षी याच काळात मालमत्ता कराची वसुली ५३ कोटी होती. गतवर्षीच्या तुलनेत यंदा कर वसुलीत दहा कोटींची वाढ झालेली असली, तरी उद्दिष्टांपासून कर वसुली विभाग खूप दूर आहे. उर्वरित ७८ दिवसांत १६७ कोटी रुपयांची वसुली पालिका प्रशासनाला करावी लागणार आहे. उद्दीष्ट साध्य करण्यासाठी बड्या थकबाकीदारांच्या घरासमोर व दुकानाच्या समोर बँड वाजवण्याचा निर्णय प्रशासनाने घेतला आहे. त्यानुसार एक लाख रुपये किंवा त्यापेक्षा जास्त थकबाकी असलेल्यांची यादी तयार करण्याचे काम केले जात आहे.

शिक्षण संस्था टार्गेटलमत्ता कर वसुलीसाठी आता शिक्षण संस्थांना टार्गेट केले जाणार आहे. याच मुद्यावरून पालिका प्रशासन व शिक्षण संस्था यांच्यात वाद सुरू आहे. पालिकेने या संस्थांना व्यावसायिक दराने कराची आकारणी केली आहे. संस्था चालकांनी ही आकारणी मान्य नाही. त्यामुळे त्यांच्याकडे मोठ्या प्रमाणावर कर थकलेला आहे. तो वसूल करण्यासाठी यंत्रणा राबवली जाणार आहे, असे संकेत करमूल्य निर्धारक व संकलक वसंत निकम यांनी पत्रकारांना दिले.

बडे थकबाकीदार
– १ कोटी ३५ लाख केंद्रीय उत्पादन शुल्क
– २ कोटी महावितरण
– १ कोटी ७८ लाख रेल्वेविभाग
– ७८ दिवसांत वसुली
– १६७ कोटींचे उद्दीष्ट

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *