facebook
Friday , May 26 2017
Breaking News
Home / Featured / बँकांकडे दोन हजार शंभर कोटी जमा

बँकांकडे दोन हजार शंभर कोटी जमा

नोटाबंदीनंतर सार्वजनिक व खासगी बँकांकडे ३१ डिसेंबरपर्यंत तब्बल दोन हजार शंभर कोटी रुपयांचा भरणा नागरिकांनी केला आहे. तर, या कालावधीत साडेचारशे कोटी रुपयांच्या जुन्या पाचशे व हजार रुपयांच्या नोटा नागिरकांना बदलून देण्यात आल्या आहेत, अशी माहिती जिल्हा अग्रणी बँक कार्यालयातून देण्यात आली. दरम्यान, जिल्ह्यातील बँकिंग व्यवहार हळूहळू पूर्वपदावर येत असून एटीएम समोरील रांगाही कमी झाल्या आहेत.

जिल्ह्यामध्ये सार्वजनिक खासगी व सहकारी अशा एकूण ६५० बँका आहेत. यासर्व बँकांमध्ये नोटाबंदीनंतर भरणा करण्यासाठी नागरिकांची गर्दी झाली होती. परंतु १५ डिसेंबरनंतर हळूहळू जुन्या नोटांचा भरणा कमी झाला होता. याबाबत जिल्हा अग्रणी बँक व्यवस्थापक आर. एम. दायमा यांनी ‘मटा’शी बोलताना सांगितले, ‘नोटाबंदी झाल्यानंतर जिल्ह्यातील सर्व बँकांमध्ये मिळून दोन हजार १०० कोटी रुपयांच्या जवळपास रक्कम जमा करण्यात आली आहे. नोटाबंदीच्या काळात बँकांमध्ये होणाऱ्या गर्दीमुळे कर्जाचे वाटप करणे, नवीन खाते उघडणे, अशा इतर बँकिंग व्यवहारांवर परिणाम झाला होता. परंतु आता बँकांमधील गर्दी हळूहळू कमी होत असून बँकेचे इतर व्यवहारही सुरळीत झाले आहेत. सध्या दोन हजार रुपये किंमतीच्या नोटा जास्त प्रमाणात उपलब्ध असून पाचशे रुपयांच्या नव्या नोटांचे प्रमाण कमी आहे. सध्या चलन उपलब्ध होत असल्यामुळे बँकांना अडचणी जाणवत नाही.’

जिल्हा नियंत्रण कक्षात १०२ तक्रारी

पाचशे, हजार रुपयांच्या नोटा बदलताना किंवा पेट्रोलपंप, सरकारी कार्यालय, रुग्णालये अशा विविध ठिकाणी त्यांचा वापर करताना काही समस्या निर्माण झाली, तर त्याबाबत तक्रार करण्यासाठी जिल्हा नियंत्रण कक्ष सुरू करण्यात आला होता. या कक्षामध्ये ३१ डिसेंबरपर्यंत १०२ तक्रारी प्राप्त झाली असल्याची माहिती जिल्हाधिकारी कार्यालयातून देण्यात आली. यामध्ये लग्नासाठी बँका पैसे देत नाहीत, पेट्रोलपंपावर सुट्टे दिले जात नाही, अशा तक्रारी प्राप्त झाल्या होत्या.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *