facebook
Wednesday , May 24 2017
Breaking News
Home / Featured / वसुली अधिकाऱ्यांना मारहाण

वसुली अधिकाऱ्यांना मारहाण

आवाज न्यूज नेटवर्क –  –

कोल्हापूर – नोटाबंदीने सर्वत्र अडचणी निर्माण झालेल्या असतानाही खासगी फायनान्स अधिकारी बेकायदेीररित्या कर्जाच्या वसुलीसाठी मोठ्या प्रमाणात तगादा लावत असल्याने सोमवारी रेंदाळ (ता.हातकणंगले) येथे वसुलीला आलेल्या फायनान्स अधिकाऱ्यांना युवा नेते राहुल आवाडे व संतप्त महिलांनी अक्षरशः धारेवर धरले. यावेळी विविध परवान्यांची, कागदपत्रांची मागणी केली असता ती आढळून न आल्याने संतप्त महिलांनी या अधिकाऱ्यांना मारहाण केली. हुपरी पोलिसांनी या अधिकाऱ्यांची चौकशी करून रात्री उशीरा सोडून दिले.

दरम्यान, खासगी फायनान्सच्या माध्यमातून काही कंपन्या बेकायदेशीरपणे जादा व्याज आकारणी करुन वसुलीसाठी तगादा लावत आहेत, याची चौकशी होणे गरजेचे आहे. तसेच यापुढे कोणत्याही खासगी फायनान्सने त्रास देण्याचा प्रयत्न केला तर तो खपवून घेणार नसल्याचे आवाडे यांनी यावेळी सांगितले.

रेंदाळ (ता.हातकणंगले) येथील संगीता काटे या महिलेने खासगी फायनान्स कंपनीकडून घेतलेल्या कर्जाच्या वसुलीसाठी तगादा लावल्याने गुरुवारी (ता.५) गळफास घेऊन आत्महत्या केली होती. या घटनेने संपूर्ण जिल्ह्यांतून संतप्त प्रतिक्रिया उमटल्या होत्या.

सोमवारी सकाळी आठ वाजण्याच्या सुमारास एस.के.एस. फायनान्सचे अधिकारी वसुलीसाठी शाहूनगर भागात आले, त्यावेळी उपस्थित महिलांनी कर्जाच्या हप्त्यांमध्ये काही महिन्यांची सवलत देण्याची मागणी केली.त्यावर संबधित अधिकाऱ्याने असे काही मिळणार नाही. काहीही करा, पैसे भरा, असे सुनावले. राहूल आवाडे हे जवाहर सहकारी साखर कारखान्याकडे जात असताना त्यांना ही माहीती समजली. त्यांनी त्या ठिकाणी जाऊन त्या अधिकाऱ्यांना कर्जाच्या वसुलीसाठी सहकार निबंधकांच्या परवान्यांसह अन्य कागदपत्रांची मागणी केली. त्यावेळी संबधिताकडे कोणतीही कागदपत्रे आढळून आली नाहीत . यावेळी मोठ्या प्रमाणात वादावादी होऊन तणावपूर्ण वातावरण निर्माण झाले. हुपरी पोलिस ठाण्याचे सहायक पोलिस निरीक्षक आय. एस. सय्यद हे घटनास्थळी दाखल झाले, त्यांनी त्या फायनान्स अधिकाऱ्यांना ताब्यात घेतले.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *