facebook
Sunday , March 26 2017
Breaking News
Home / पुणे / कुख्यात गुंड विठ्ठल शेलारचा भाजपत प्रवेश

कुख्यात गुंड विठ्ठल शेलारचा भाजपत प्रवेश

गुन्हेगारांना सन्मानाने ‘पावन’ करून घेण्याची मालिका कायम ठेवून भारतीय जनता पक्षाने पुणे जिल्ह्यातील कुख्यात गुंड विठ्ठल शेलार याला पक्षात सामील करून घेतले. खून, अपहरण, दरोड्याची तयारी आदी गुन्हे शेलार याच्या नावावर असून, महाराष्ट्र संघटित गुन्हेगारी नियंत्रण कायद्याअंतर्गतही (मोक्का) त्याला अटक झाली होती. सध्या जामिनावर असलेल्या शेलारला पक्षप्रवेश दिल्याने भाजपमधूनही आश्चर्य व्यक्त केले जात आहे.

महापालिका आणि जिल्हा परिषदांच्या निवडणुकांच्या पार्श्वभूमीवर भाजपकडून नेते ‘आयात’ केले जात आहेत. पुणे जिल्ह्यातील मुळशी आणि मावळ भागात भाजपने जोर लावला असून, तिथे राष्ट्रवादी काँग्रेसला शह देण्यासाठी शेलार याला पक्षात घेतल्याचे सांगितले जात आहे. पालकमंत्री गिरीश बापट आणि आमदार बाळा भेगडे यांच्या उपस्थितीत शेलारने ३० डिसेंबर रोजी समारंभपूर्वक भाजपमध्ये प्रवेश केला. इतकेच नव्हे, तर भोर, वेल्हा, मुळशी भाजप युवा मोर्चाचे अध्यक्षपदही त्याला देण्यात आले.

शेलार याच्यावर खुनाचे दोन गुन्हे दाखल आहेत. ग्रामीण पोलिसांनी संघटित गुन्हेगारीचे कंबरडे मोडून काढत असताना शेलारवर ‘मोक्का’नुसार २०१४मध्ये कारवाई केली होती. हायकोर्टाने त्याला चार महिन्यांपूर्वी जामीन मंजूर केला आहे. गुंड गजानन मारणे, गणेश मारणे आणि शरद मोहोळ या गुन्हेगारी

टोळ्यांमुळे मुळशीतील अनेक तरुण गुन्हेगारीकडे वळले आहेत. त्यात आता ​शेलारचे राजकीय पुनर्वसन करण्याच्या प्रयत्न भाजपने केला आहे.

कोण हा शेलार?

विठ्ठल शेलार मुळशी तालुक्यातील बोतरवाडी येथील आहे. मारणे टोळीसाठी वसुली करण्याची जबाबदारी त्याच्यावर असल्याची नोंद पोलिसात आहे. त्यातून त्याने मुळशीत दोघांचा खून केला. खंडणीसाठी अपहरण करण्याचा गुन्हाही त्याच्यावर आहे. ग्रामीण पोलिस दलातील एका अधिकाऱ्याने त्याला वाचवण्यासाठी प्रयत्न केल्याचे शहर पोलिसांच्या तपासात उघडकीस आले होते. शहर पोलिसांनी त्याला एका गुन्ह्यात अटक केल्यानंतर त्याने मुळशी येथील दुहेरी खुनाची कबुली दिली होती.

विठ्ठल शेलारची गुन्हेगारी पार्श्वभूमी

२००८: हाणामारी

२००९: डेक्कन भागात दरोड्याची तयारी

२०१०: टोळीयुद्धातून पिंटू मारणेचा खून

२०१२: प्रतिस्पर्धी टोळीतील दोघांचे अपहरण, खून, मृतदेह जाळून टाकले

२०१३: अपहरण, खंडणीची मागणी

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *