facebook
Tuesday , January 24 2017
Breaking News
Home / पुणे / सीएनजी स्टेशनसाठी पालिकेच्या नऊ जागा

सीएनजी स्टेशनसाठी पालिकेच्या नऊ जागा

उपनगरांमध्ये महापालिकेच्या ताब्यात आलेल्या अॅमेनिटी स्पेसच्या नऊ जागा सीएनजी स्टेशनसाठी महाराष्ट्र नॅचरल गॅस लिमिटेडला (एमएनजीएल) तीस वर्षांच्या भाडेकराराने देण्यास स्थायी समितीने मंगळवारी मंजुरी दिली. शहरातील प्रदूषण कमी करण्याच्या दृष्टीने खासगी आणि सरकारी वाहनांना सीएनजी सहजरित्या उपलब्ध होण्यात या स्टेशनचा उपयोग होणार आहे.
सीएनजीवरील वाहनांमध्ये सातत्याने भर पडत असून, गेल्या महिन्यातच सीएनजीवर चालणारी दुचाकी बाजारात दाखल झाली. त्यामुळे, सीएनजीवरील वाहनांना पुरेशा प्रमाणात गॅस उपलब्ध होण्यासाठी शहरातील पंपांची संख्या (सीएनजी स्टेशन्स) वाढवण्यात यावी, अशी मागणी केली जात होती. सीएनजीचा पुरवठा करणाऱ्या ‘एमएनजीएल’ने शहराच्या विविध भागांतील जागा उपलब्ध करून देण्याची मागणी पुणे महापालिकेला केली होती. त्यानुसार, शहराच्या उपनगरातील नऊ जागा सीएनजी स्टेशनसाठी देण्याचा प्रस्ताव स्थायी समितीच्या मान्यतेसाठी सादर करण्यात आला होता. ३० वर्षांच्या भाडेकराराने या जागा देण्यास समितीने मंजुरी दिल्याची माहिती स्थायी समितीचे अध्यक्ष बाळासाहेब बोडके यांनी दिली.
नऊ जागांपैकी खराडी येथे सर्वाधिक १५ हजार चौरस मीटरची अॅमेनिटी स्पेस ‘एमएनजीएल’ला उपलब्ध होणार आहे. या शिवाय खराडीत आणखी एक जागा, बावधन (दोन जागा), बालेवाडी (दोन जागा), बाणेर (दोन जागा) आणि कोथरूड येथील एक अॅमेनिटी स्पेस ‘एमएनजीएल’ला सीएनजी स्टेशनसाठी देण्याचा निर्णय घेण्यात आला. या जागांच्या बदल्यात महापालिकेला वर्षाकाठी एक कोटी ७२ लाख रुपयांचे भाडे प्राप्त होणार आहे.

Check Also

पद मिळण्यास आम्ही अपयशी ठरलो किव्वा आम्हाला जाणून बुजून टाळले – आझम पानसरे

Click on Below Video Related

Leave a Reply

Your email address will not be published. Required fields are marked *