facebook
Thursday , February 23 2017
Breaking News
Home / कोल्हापूर / वाहतूकदारांचा शुल्कवाढीला विरोध

वाहतूकदारांचा शुल्कवाढीला विरोध

केंद्रीय मोटार वाहन नियमांतील विविध शुल्कात पाचपट वाढ केल्याच्या निषेधार्थ बुधवारी कोल्हापूर डिस्ट्रीक्ट लॉरी ऑपरेटर्स असोसिएशनने परिपत्रकाची होळी केली. यावेळी आरटीओ कार्यालयासमोर निदर्शने करण्यात आली.

लॉरी ऑपरेटर्स असोसिएशनच्यावतीने दुपारी बारा वाजता आरटीओच्या कार्यालयासमोर जोरदार घोषणाबाजी करण्यात आली. सरकारने विविध शुल्कात केलेल्या वाढीच्या विरोधात परिपत्रकाची होळी करण्यात आली. कार्यालयात कामानिमित्त येणाऱ्या एजंटानाही विरोध करण्यात आला.

असोसिएशनचे अध्यक्ष सुभाष जाधव म्हणाले, ‘शुल्क वाढीबाबत सरकारने येत्या काही दिवसांत निर्णय घ्यावा. अन्यथा टप्याटप्याने आंदोलनाची व्याप्ती वाढविली जाईल. शुल्कात भरमसाठ

वाढीमुळे वाहनधारकांना फटका बसणार आहे. त्यामुळे सरकारने हे शुल्क तातडीने पूर्ववत करून नागरिकांना दिलासा द्यावा.’

जिल्हा बॉक्साइट वाहतूक संघटनेचे संजय जाधव म्हणाले, ‘लायसन्सधारकाचे पत्ता बदलण्यासाठी दोनशे रूपये शुल्क आकारणी केली जाणार आहे. १५ प्रकारच्या शुल्कात अन्यायी वाढ केली आहे. सरकारने दखल घेतली नाही तर आंदोलन तीव्र करू. शुक्लवाढ तातडीने कमी करून जनतेला दिलासा द्यावा.’

डिस्ट्रीक्ट लॉरी ऑपरेटर्स असोसिएशनच्या म्हणण्यानुसार आरटीओने केलेल्या या दरवाढीमुळे वाहनधारकांना आणि नागरिकांना मोठ्या अडचणीला सामोरे जावे लागणार आहे. दरवाढ कमी करण्यात यावी, वाहनधारकांच्या अडचणी सोडविण्यास आरटीओंनी प्राधान्य द्यावे अशी मागणी यावेळी करण्यात आली.

आंदोलनात ऑटो रिक्षा, टॅक्सी, ट्रक, टेम्पो, टँकर, डंपर, बस वाहतूकदार संघटनेचे पदाधिकारी सहभागी झाले. लॉरी असोसिएशनचे उपाध्यक्ष भाऊ घोगळे, हेमंत डिसले, विजय भोसले, जिल्हा बॉक्साइट वाहतूक संघटनेचे नानासाहेब काटकर, सतीश पवार, प्रकाश व्हटकर, कोल्हापूर वाळू वाहतूक संघटनेचे विजय पाटील, विजय तेरदाळकर, अतुल जाधव, दीपक सावंत, रिक्षा संघटनेचे सुभाष शेटे, मजूर हमाल संस्थेचे संजय चौगले, लोकल माल ट्रक वाहतूकदार संघटनेचे प्रकाश भोसले आदी सहभागी झाले.

Check Also

शिरोळमधील दिग्गज भाजपात

राष्ट्रवादी काँग्रेसचे जिल्हा उपाध्यक्ष दलितमित्र डॉ. अशोकराव माने, काँग्रेसचे शिरोळ तालुकाध्यक्ष अनिल यादव, कोल्हापूर जिल्हा …

Leave a Reply

Your email address will not be published. Required fields are marked *