facebook
Tuesday , May 23 2017
Breaking News
Home / Featured / संभाजी ब्रिगेडचा इशारा; ‘शिवसेना भवना’ला पहारा

संभाजी ब्रिगेडचा इशारा; ‘शिवसेना भवना’ला पहारा

मुंबईतील शिवसेना भवनावर असलेलं शिवसेनाप्रमुख बाळासाहेब ठाकरे यांचं छायाचित्र काढून टाका, असा इशारा संभाजी ब्रिगेडनं दिल्यानंतर शिवसैनिकांनी शिवसेना भवनाला पहारा देण्यास सुरुवात केली आहे. ब्रिगेडच्या कार्यकर्त्यांनी काही आगळीक करू नये म्हणून ही खबरदारी घेण्यात आली आहे.

‘शिवसेना भवना’च्या दिमाखदार वास्तूवर दर्शनी भागात छत्रपती शिवाजी महाराजांचा पुतळा बसविण्यात आला आहे. या पुतळ्याच्या वरच्या भागात दिवंगत बाळासाहेब ठाकरे यांचं मोठं छायाचित्र आहे. मात्र, शिवरायांच्या पुतळ्याच्या वर असलेल्या बाळासाहेबांच्या छायाचित्राला संभाजी ब्रिगेडचा आक्षेप आहे. त्यामुळं हे चित्र हटवलं जावं, अशी संभाजी ब्रिगेडची मागणी आहे. ब्रिगेडच्या नेत्यांनी नुकताच तसा इशारा दिला आहे.

मागील आठवड्यात संभाजी ब्रिगेडच्या कार्यकर्त्यांनी पुण्यातील संभाजी उद्यानातील राम गणेश गडकरींचा पुतळा हटवला होता. शिवसेना भवनाबाबतही त्यांच्याकडून अशीच कृती होण्याची शक्यता आहे. त्यामुळं शिवसैनिक शिवसेना भवनाच्या सुरक्षेसाठी सज्ज झाले आहेत, असं वृत्त ‘एबीपी माझा’नं दिलं आहे.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *