facebook
Thursday , April 27 2017
Breaking News
Home / Featured / मुंबईचा उत्साह धावतोय!…मुंबई मॅरेथॉनला सुरुवात

मुंबईचा उत्साह धावतोय!…मुंबई मॅरेथॉनला सुरुवात

मुंबईकरांचा आजचा रविवार बोचरी थंडी असूनही उत्साहात सुरू झाला आहे. निमित्त आहे १४ व्या स्टॅंडर्ड चार्टर्ड मुंबई मॅरेथॉनचे. राज्यपाल चे. विद्यासागर राव यांनी पहाटे या मॅरेथॉनचे उद्धाटन केले. ४२ किलोमीटर्सच्या मुख्य मॅरेथॉनला पहाटे सीएसटीहून सुरूवात झाली. यात धावपटू सीएसटीहून वांद्रेपर्यंतचे अंतर कापतील. वांद्रे येथून पुन्हा सीएसटीला या मॅरेथॉनचा शेवट होईल. ड्रीम रन, हाफ मॅरेथॉन, दिव्यांगांची मॅरेथॉन असे विविध प्रकार यात आहेत.

ड्रीम रनला सुरूवात झाली असून यात रस्ता सुरक्षेचा संदेश देण्यात आला आहे. महिलांच्या हाफ मॅरेथॉनमध्ये मोनिका अत्रे विजयी झाल्या तर पुरुषांच्या हाफ मॅरेथॉनमध्ये जी. लक्ष्मण विजेता ठरला. मुख्य मॅरेथॉन सुरू आहे. देशातल्याच नव्हे तर परदेशातल्या धावपटूंनीही या मॅरेथॉनमध्ये सहभाग घेतला आहे. मुख्यमंत्र्यांच्या पत्नी अमृता फडणवीस, क्रीडामंत्री विनोद तावडे, शायना एन. सी., उद्योगपती अनिल अंबानी, अभिनेता जॉन अब्राहम, राहुल बोस आदींनी मॅरेथॉनला हजेरी लावली आहे.

दिव्यांगांनीही या स्पर्धेत उत्स्फूर्त सहभाग नोंदवला आहे. दिव्यांगांची २.४ कि.मी. ची मॅरेथॉन सीएसटीहून सुरू होऊन मेट्रो सिनेमाजवळ संपली. दरम्यान, एका युवा धावपटूला श्वसनाचा त्रास झाल्याने उपचारासाठी मोबाईल व्हॅनमध्ये दाखल करण्यात आले.

विजेते –

हाफ मॅरेथॉन (पुरुष)
प्रथम – जी. लक्ष्मण
दि्वतीय – सचिन पाटील
तृतीय – दीपक कुंभार

हाफ मॅरेथॉन (महिला)
प्रथम – मोनिका अत्रे
दि्वतीय – मीनाक्षी पाटील
तृतीय – अनुराधा सिंग

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *